O ry zanaka mpandany

O ry zanaka mpandany
Ianao izay nandao ny tranon-dRay
Izy anefa tsy sasa-manantena
Ny andro iray izay hiverenanao
Mihavana amin'Andriamanitra
Ianao izay nantsangany ho zanany
Tsisy hafa amin'ny lahimatoany,
Tiany homena voninahitra

1. Efa tanteraka ny fikasan'ny Ray
Nomaniny hatrizay hatrizay
Anao no sisa na hamisavisa
Raha hizaka ny anaran-dRay

Miverena ry nandao !
Tia anao anie ny Rainao e
Miverena ry nandao !
Aza mandrara-kilo mby andoha,
Tano ny hasinao fa tena soa

2. Nomeny anao enie ilay sombiniany
Hitaiza anao sy hikolokolo anao
K'aza mba lavina, ry sarotiavina
Ny fony efa babonao

3. Fa i Jesoa Zoky, efa natoky
Hamitrana indray ny fihavanana
Iray fo Aminy i Maria reniny
Hijoro ho fiombonana

4. Fa ny Fanahiny, ilay Tombokaseny
Noraisinao tamin'ny batemy
No ahafantarany, ireo naterany
Ho mpandova ny ho avy