Mino aho, ry Tompo, ampitomboy ny finoako

Mino aho, ry Tompo, ampitomboy ny finoako

Nahary ny tany sy ny lanitra
Ianao Andriamanitra Ray
Mahefa ny zava-drehetra
Teninao ka inoako izany

Ianao no niteraka ny Zanaka
Mpamonjy ny olona nanota
Nitafy ny fomban’olombelona
Naterak’i Maria Virjiny

I Jesoa nijaly novonoina
Fa nitsangana tamin’ny maty
Ka mitoetra eo anilan’ny Ray
Mandidy ny zava-drehetra

Izaho mino ny Fanahy Masina
Ny Eglizy naorin’i Jesoa
’Zay rehetra ampianarin’ny Eglizy
Ny fiainana mandrakizay