VAVAKA FANONKANAN'TENA AMIN'NY RA MASIN'I JESOA

Ry Jesoa mpamindra fo, mahatsapa ny mahatsinontsinona  ahy manoloana ny fahalehibeazanao Andriamanitra aho no miankohoka eto an-tongotrao.

Misaotra  Anao noho ny fahasoavana maro nomenao ahy, indrindra fa ny nanafahan'ny herin'ny Ranao Sarobidy ahy, tamin'ny hery ratsin’i satana. Eto anatrehan'i Masina Maria Virjiny, Reniko, ny Anjely mpiambina ahy, ny Olomasina mpiaro ahy ary ny fiombonan’ny Olomasina rehetra any an-danitra aho,no manokana ny tenako amin-kalalahana sy amin'ny fo mahitsy ho an’ny Ranao Sarobidy ,ranao  zay namonjy izao tontolo izao tamin’ny fahotana sy ny fahafatesana ary ny afobe.

Jesoa a, manome toky  Anao aho, miaraka amin’ny fanampian’ny Fahasoavanao Masina, fa hampahalala sy hampiely amin’ny heriko rehetra sy araka izay azoko atao, ny fanajana io Ranao Sarobidy io, izay antoky ny famonjena anay,  ho voninahitra sy hanomezam-boninahitra ny Ranao maminay.

Manoloana an’izany dia te hanonotra ny fivadihako tamin’ny Ranao Sarobidy mariky ny Fitiavanao aho, ary hanonotra ny fanalam-baraka maro ataon’ny olona amin’ny Ranao mpanavotra. Adinoy ny fahotako, ny fahalainako ary ny tsy fahaizako mankasitraka.

Jesoa a, noho izany indrindra no anolorako  Anao ny Fitiavana, ny fanajana ary ny fitsaohan’ny Reninao Masina indrindra, ny mpianatrao mahatoky ary ny Olomasina rehetra ny Ranao Sarobidy. Mihanta aminao aho mba tsy hahatsiaro ny fivadihako sy ny fahalainako taloha, mihanta aminao aho hamela ny helok’ireo rehetra nanafintohina Anao. Fafazo amin’ny Ranao Sarobidy izahay, ry Andriamanitra Mpamonjy, mba hitiavanay Anao Fitiavana voahombo amin’ny fonay manontolo, ary hankalazanay amim-pahamendrehana mandrakariva ny sorom’pamonjena anay. Amena.