Jereo tsara an-tampon'i Kalvery

1 - Jereo tsara an-tampon'i Kalvery
Jesoa mijaly sy mahafoy ny ainy.
Jereo tsara Maria be alahelo
Mitomany mibanjina Azy. (2)
 
Fiv :
Mpanjakan'ny martiry, ny fahotanay ratsy
No mampijaly Anao toy izao :
Miombona alahelo aminao izahay,
Mifona, mivalo, mba iantrao 'zahay.
 
2 - Maria mahita ny fehiloha tsilo,
Sy miaramila mikapoka an'i Jesoa
Ary kapaoty fanarabiana Azy :
Alahelo tsy hay lazaina. (2)
 
3 - Indro i Jesoa madiva hiala aina
Manopy maso ity Reny malala :
Reniny kosa, am-pijerena Azy
Hila ho faty, fa maty i Jesoa. (2)
 
4 - Rahona mainty, rahom-pahafatesana
Manaron-tava ilay Virjiny masina;
Ary lefona natsindrona an'i Jesoa
Maninteraka ny fony koa. (2)

5 - Inty ambany hazofijaliana
I Maria Reny miampofo an'i Jesoa:
Moa misy alahelo toy izany?
Manatòna hiaraka ory. (2)

6 - Aoka isika zanany hitomany,
Hanatona azy, hitsotra sy hifona,
Ary hanala alahelo ny Reny
Amin'ny fitiavana azy. (2)