Matoa aho nijaly sy maty

Fiv : Matoa aho nijaly sy maty
   Izaho no nanolotra ny aiko,
   Matoa aho nanolotra ny aiko,
   Izany no fara-fitiavako.

1 - Fa alina ny andro, manakaiky ny fotoana,
   Dia indro fa hatolotra eo an-tanan'ny mpanota
   I Jesoa 'lay Mpampianatra nikoizan'i Satana.
   I Jesoa 'lay Mpampianatra nikoizan'i Satana.

2 - Fa alina ny andro, manakaiky ny fotoana,
   Ka indro fa hatolotra eo an-tanan'izy Jody
   I Jesoa 'lay Mesia, 'lay Mpanjaka nantenainy.
   I Jesoa 'lay Mesia, 'lay Mpanjaka nantenainy.

3 - Fa alina ny andro, manakaiky ny fotoana,
   Ka indro fa hatolotra eo an-tanan'i Pilaty
   Ilay Nazareana, lehilahy 'zay tsara laza.
   Ilay Nazareana, lehilahy 'zay tsara laza.

4 - Fa alina ny andro ary tonga ny fotoana,
   Ka indro fa nasandratra eo imason'ny tontolo
   I Jesoa 'lay Mpanjaka, 'lay avy any Nazareta.
   I Jesoa 'lay Mpanjaka, 'lay avy any Nazareta.

5 - Maraina izao ny andro ary tonga ny fotoana,
   Ka indro fa nasandratra eo imason' Izy Ray
   I Jesoa 'lay nandresy ka nandray ny fahefana.
   I Jesoa 'lay nandresy ka nandray ny fahefana.