Ô velona;
Velona tokoa Ilay hitanay maty e (in4)
Ary indro mpaminany lehibe
no miseho eto anivonay
Efa namangy ny vahoakany Andriamanitra (2)
Aleloia, Paka!
Aleloia, Aleloia!
1. Ô ry Elia ô, Tsy tantinao ny fahoriana
Nisaloran’ity ramatoa mananontena iray
Izay nanolotra ho anao ny hany sisa mba tavela
Izay hataony tohan’aina
Dia natsanganao ho velona, ilay hany sombinainy
Izany anefa mbola santatra!
2. Ô ry Jesoa ô, Tsy zakanao ny fijaliana
Nampilofika an’ity mananotena ndeha handevina
Ity menaky ny ainy, tsisy andry ho azy intsony
Raha ety ambonin’ny tany!
Indro fa naverinao velon’aina indray ilay zanany
Izany anefa mbola santatra!
3. Ô ry Paoly ô, Raiki-tory ity zatovo
Raha nihaino anao niteny dia nianjera ary maty
Fa tsy sitrakao ho faty, dia ho faty vita hatreo,
Izay vao avy nahare
Ny Vaovao Mahafaly: Alahady tamin’izay!
Izany anefa mbola santatra!
4. Ô ry Jesoa ô, Ianao niantra ny olombelona
Izay mamindra tsy mahita izay hombana toy ny jamba.
Dia nasaina hotorina amin’ny olona ny Aina;
Ka ny ranon’ny Batemy
Sy ny mofon’ny fiainana: no indray atolotrao!
Izany anefa mbola santatra!
5. Ô ry Jesoa ô, ny Fitiavanao dia tia
Ny mba hivondronanay ao an-tranon-dRainao.
Io manko ilay fonenana tsy hahitana fahafatesana
Na ranomaso mikoriana.
Ny fanahy amam-batana hiaina ao mandrakizay!
Ary ao no tena Fiainana!
Ô velona;
Velona tokoa Ilay hitanay maty e (in4)
Ary indro mpaminany lehibe
no miseho eto anivonay
Efa namangy ny vahoakany Andriamanitra (2)
Aleloia, Paka!
Aleloia, Aleloia!