Fa Fitiavana ihany

Nitambesatra ny ziogam-paharatsiana
Rakotra haizina koa ny tany
Tonga Ianao nivesatra ilay hazo fijaliana
Fitiavana ihany no anton’izao
Tsy nihatra Taminao ny hakiviana
Indrindra fa ny vetin-dranomaso
Nozogainao ilay tanam-bokovoko fanarabiana
Natopatopan’ny onjan’ny ankaso

    Aza mitomany na mangoraka ianareo
    Fa ny fahotanareo ihany no jereo
    Nosotroinao tsy fidy
    Ilay kapoaka iray mangidy
    Niaretanao izay niaritra
    Ireo kapoka sy ireo ratra
    Kaloiko ho Anao hira tokana an-tany
    Fa fitiavana ihany, fitiavana no anton’izao

Tiana mantsy Ianao ô ry Tompo malala ô
Aza ilozanao aho fa mila ho adala
Matokia, matokia izany havako izany
Fa ny rà masinao tsy raraka an-tany

Nampiditra Jean_Luck_R
Sokajy Karemy
© Eugene Heriniaina - serasera.org 1999 - 2023 - page load 0.009