Voninahitra anie ho an’Andriamanitra, any amin'ny avo indrindra

Voninahitra anie ho an’Andriamanitra
Any amin’ny avo indrindra;
Fiadanana anie ho an’ny olombelona
Etý ambonin’ny tany.
Fa naneho ny fitiavany Andriamanitra Ray,
Naneho ny fitiavany

Midera anao izahay,
       Noho ny haben'ny voninahitrao
Mankalaza anao izahay,
       Noho ny haben'ny voninahitrao
Mitsaoka anao, mihoby ny hasinao izahay,
Misaotra anao izahay.
       Noho ny haben'ny voninahitrao

Ry Mpanjakan’ny tany aman-danitra,
       Ianao no Tompo sy Andriamanitra
Ray mahefa ny zava-drehetra,
       Ianao no Tompo sy Andriamanitra
Kristy lahitokana,
Ry Zanak’ondrin’Andriamanitra,
Ô, ry Zanaka mamin’ny Ray.
       Ianao no Tompo sy Andriamanitra

Manala ny fahotan’izao tontolo izao,
       Ka mamindrà fo aminao,
Manala ny fahotan’izao tontolo izao,
       Ka raiso ny fifonanay;
Mipetraka eo an-kavanan’ny Ray,
       Ka mamindrà fo aminao,
Ry Zanak’ondrin’Andriamanitra

F’ianao irery no Masina,
       Ry Jesoa Kristy
Ianao irery no Tompo,
       Ry Jesoa Kristy
Ianao irery no Avo indrindra
       Ry Jesoa Kristy
Miaraka amin’ny Fanahy Masina
Ao amin’ny Voninahitr’Andriamanitra Ray. Amen.