Ry Solofon'i Jese ô, ianao ilay faneva

Ry Solofon'i Jese ô,
ianao ilay faneva fitarihana ny olona,
ka hampitampim-bava kosa ireo mpanjaka atrehinao:
avia, aza ela
mba ekeo ny talahon'ny vahoaka miantso vonjy.

[Tononkiran'i Maria - Lioka 1 : 46-55]

1 Ny foko midera ny Tompontsika,
Ny saiko mifaly amin'Andriamanitra
Noho izy Mpamonjy nitsinjo ahy
'Lay mpanompovaviny tsinontsinona.

2 Fa indro manomboka ankehitriny
 Hantsoin'ny taranaka: "Sambatra" aho:
 Nahavita be tamiko ilay Mahefa,
 Ilay hoe "Ny Masina no anarany".

3 'Lay mandrakizay ny indrafony
Amin'ny olon-drehetra matahotra Azy,
'Lay Tompo Mpandresy mahery sandry,
Mampihahaka ireo 'zay mpiavonavona.

4 Manongana ireo izay mpanjakazaka
 Kanefa manandratra ireo ambany;
 Manototra soa an'ireo noana
 Fa mampody maina an'ireo mpanana.

5 Mpanarina an'Israely olony
 Satria mahatsiaro ny indrafony
 Nampanantenainy ny razantsika
 Ho an'i Abrahama sy izay taranany.

6 'Lay Ray be fitiavana mba derao,
 Hobio 'lay Zanany tonga nofo,
 Ary koa 'lay Fanahy mampiray antsika,
 Ho mandrakizay alaovalo!

Nampiditra j_rahasa
Fihirana Vaovao p. 22
© Eugene Heriniaina - serasera.org 1999 - 2024 - page load 0.0095