Aleloia, misaotra Anao Iada (Fitsenana)

(Georgette Rasoatsara)

Aleloia, Aleloia, misaotra Anao Iada.
Nanome ny Teninao, ahôdy Fañahy e !
Mamelombeloño ny fiainaña,
Mahabotrabotra ny vataña,
Mankasitraka mankateliñy, mitavandra ny ho avy e !

Ny fiainana tsisy ny teninao,
Misavoritaka ambony ambany,
Somariaka, mivarahoña, mahalany fañahy,
Ny sasany mandeha mañatsimo,
Mañavaratra, mañandrefaña,
Ny sasany mandeha maniñianaña,
Tsisy mifanôhitry e,
Fombanao mañatoño, tia ‘zahay,
Zahay ndreky milefa,
Manjary fanindry fanambôho,
Elaela trahôfaña.

Tsôtsoko ‘zaho mbô nahareñy,
Nahazo fañafaña,
Nahazo fañefitry hiadivako amy ratsy,
Zare namako kiboraiky,
Na zoky na zandry, na hely na geda,
Tongasako voan-dalaña.

Fianakaviana amin-drazaña,
Na ampokon-dray na ampokon-dreny,
Na ‘reo ziva na fatidrà, tahômiky atôy e!
Namako jiaby tanàña araiky,
Zalahy, vahiavy, na sojabe na gamadiniky,
Ndesiky aketo ô ô.

Zaho tsy taña fa hanambara,
Na amin’ny fihetsiky na amin’ny vava,
Hitety an’itý Madagasikara,
Na pôsotro na ambanivohitry e !
Na hitsàka ny ranomasiñy,
Tsy hampanginiky,
Tenin-Jañahary tsy very hasiñy,
Fa mampandiniky e !

Na ny tanàña na atihala,
Samy mbôla ho ravaña,
Ny traño ho totry, ny kakazo ho fôhatra,
Na tanety na tany lemaka,
Na langitry na ranomasiñy,
Hivalambotry amin’ny farandro,
Tenin-Jañahary tsy mety lô !
Tsy mety matsatso,
Tsy mety maty fa maharitra mandrakizay.