Iny lalana iny

(Joseph Justin)

Iny lalana iny anie ry Tompo no nizoranao,
Ilay lalana mafy sady sarotra no nofidinao,
Mba hamonjena anay taranak’olombelona,
Sy hamitranana ny fihavanana amin’ny Ray,
-- E ! mavesatra ny Hazofijaliana nentinao,
-- Novonoina Ianao ary natao tany am-pasana,
-- Mba hamonjena anay taranak’olombelona,
-- Sy hamitranana ny fihavanana amin’ny Ray, .

Ka indro tamin’ny andro fahatelo,
Dia nitsangan-ko velona ianao Jesoa Tompo,
Mba hanehoanao ny Herin’Andriamanitra,
Sy hanehoanao ny voninahiny.
-- Tamin’izay dia gaga sy talanjona ny olona.
-- Satria tsy tao am-pasana intsony i Jesoa Tompo.
-- Mba hanehoanao ny Herin’Andriamanitra,
-- Sy hanehoanao ny Voninahiny.