Mpitarika (M): Avia, Andriamanitra Andriananahary ô
Vahoaka (V): Avia, manatrika, avia manoloana
M: Ho toy ny emboka eo imasonao anie e
V: Izao vavaka ataonay izao e!
M: Ary ny tananay misandratra ho fanati-takariva
V: Ho anao Andriamanitray ô!
M: Ianareo firenena rehetra
V: Derao ny Tompo Andriamanitra
M: Ianareo vahoaka eran-tany, antsao ny Tompo Andriamanitra e!
V: Mahery tokoa ny fitiavany antsika, tsy lany ny fahamarinany e,
Tsy ho lany ny fahamarinany
M: Mankasitraka Anao izahay e!
V: Ry Andriamanitra Rainay ô!
M: Mankatelina Anao izahay e!
V: Ry Andriamanitra Zokinay ô!
M: Mankamamy ny asanao izahay e!
V: Ry Fanahy Andriamanitray ô!