Mitady ny tsara zaho

(Omer

A Dady e !
A Niny à ! Baba e ! A Dadilahy e !
Mitady ny tsara zaho ô !
Ke fafazanandre rano ô ià !

Zaho ô !
Joroa zaho ô !
Ny tsodrano baka raha mahery,
Ny tsodrano mahatsara riziky e !
Ny tsodrano mahatsara havilômaña,
Fafirano mahatsara fihavanana,
Fafirano maha ôlo ny ôlo e !
Zaho ô !
Joroa zaho ô !

Zaho ô !
Joroa zaho ô !
Misy raha tiako, misy raha kindreko,
Ho tia ôlo, hanompo Zañahary e !
Hanolotena ho olon’ny Eglizy,
Hivavahako isan’andro vaky,
Ho tia ôlo ho tiam-pôkonôlo e !
Zaho ô !
Joroa zaho ô !

Zaho ô !
Joroa zaho ô !
Hanintsinintsy hanaranara,
Alao sampoño alao fadifady e !
Ho tsara sandry ho dongadonga aiñy
Ho lavirin’ny aretina ho lava havilômaña,
Hanara diñitry fô tsara jôro e !
Zaho ô !
Joroa zaho ô !

Zaho ô !
Joroa zaho ô !
Sangan’akôholahy tsy ialan’ny ambônombôny,
Ny raha tsara tsy ialan’ny mañato aiñy e !
Tsofy rano zaho amin’ny raha tiako,
Ovy maniry baka tsy tam-bato,
Raha koa tiaña tsy mankatavy aiñy e !
Zaho ô !
Joroa zaho ô !

Zaho ô !
Joroa zaho ô !
Mba ho dian’aomby marin-tañana,
Ny dian’ny alôha harahin’ny afara e !
Hañara-jôky harahin-jandry maro,
Sokafa lalaña zaho amin’ny raha tiako,
Ho tomombaña ny kasaiñy e !
Zaho ô !
Joroa zaho ô !

A e e !
Jôro tsara angatahiko aminandreo e !
Joroa zaho môra zaha hanjary e !
Zay tany idôhaña ho safohin-Jañahary e !
Mañatsimo harahim-pitahiaña,
Maniñiàna harahin-jôro tsara,
Mañandrefana tsy ho lany mpahatsiaro,
Mañavaratra harahim-bava tsara.
-- Hanjary tavandraiñy e !
-- Zaho ô !
-- Joroa zaho ô !

A e e !
Jôro tsara angatahiko aminandreo e !
Joroa zaho môra zaha hanjary e !
Alin’andra hilamindamin-tsaiñy,
Kiak’andro ho tambazin-Jañahary,
Hazava ny lalaña homboaña,
Oran’andro fafiranon’i Dadilahy,
Maik’andro, masoandro mañazava,
Hanintsinintsy hanaranara,
Zaho ô !
Joroa zaho ô !