Izao ny didiko

Izao ny didiko, mifankatiava ianareo,
Tahaka ny nitiavako anareo.

1. Tsy misy manam-pitiavana
   Noho ny mahafoy ny ainy
   Ho an’ny sakaizany hoy ny Tompo.
2. Ianareo no sakaizako,
   Raha manatanteraka,
   Izay nandidiako, hoy ny Tompo.
3. Efa nataoko ho sakaizako,
   Satria nambarako taminareo
   Izay rehetra reko tamin’ny Raiko, hoy ny Tompo.
4. Tsy ianareo no nifidy ahy,
   Fa Izaho no nifidy anareo,
   Ka nanendry anareo, hoy ny Tompo.
5. Izaho no nifidy anareo,
   Mba handehananareo,
   Sy hahavokaranareo, hoy ny Tompo.