Izay entanim-pitiavana sy finoana

Izay entanim-pitiavana sy finoana e e ià !
No afa-manompo an’Andriamanitra,
Amim-pahamarinana lalandava.

1. Deraina, isaorana Izy Tompo,
   Ny Tompo Andriamanitr’i Israely :
   Fa Izy efa tonga namangy antsika,
   Nanavotra antsika amin’ny fahavalo.
2. Nanolotra antsika herim-pamonjena
   Avy amin’ny Fianakaviana iray :
   Dia ny an’i Davida mpanompo tiany,
   Fa izany tokoa no efa nolazainy.
3. Fa teniny nentin’ny mpaminany,
   Dia ireo olomasiny fahagola :
   « Ny vonjiny hanala amin’ny fahavalo,
   Hanafaka antsika amin’ny mpankahala ».
4. Noho Izy nandala ny razantsika,
   Dia indro tsaroany ny fanekeny :
   Fa teniny nomeny an’i Abrahama
   Ny hanafaka antsika amin’ny fahavalo.
5. Amin’izay isika ho afa-manompo Azy
   Tsy anatin’ny tahotra sy ahiahy :
   Fa entin’ny fo tia sy mahatoky
   Ho eo anatrehany lalandava.
6. Ianao ‘zao anaka no antsoina
   Ho ilay mpaminanin’ny Avo indrindra :
   Hizotra anoloan’ny Tompo Ianao
   Hamboatra ny lalana ‘zay hombanay.
7. Ianao hanambara ny famonjena,
   Dia ny famelana ny hadisoana :
   Satria Andriamanitra fo miantra,
   Mandefa masoandro hamangiany antsika.
8. Fanilo hanazava an’ireo mitakiky,
   Anatin’ny haizina mahafaty,
   Fanilo hanazava ny diantsika,
   Amin’ny lalam-piadanana lavorary.
9. Isaory ny Ray nanome antsika
   Ny Zanany ho masoandrom-pamonjena :
   Hobio ny Fanahy niantsoana antsika
   Ho sambatra hibanjina ny mazava.