1. Ianao ry Jesoa Tompo,
Nanao ny sakramentan'
Ny mariazy masina
Hamonjy ny zanakao
Fiv.
Ry Tompo maminay o, indreto ny zanakao
Nanao ny fanekena teo anatrehanao:
Mangata-pitahiana sy tso-dranonao,
Ho ela velona izy am-panompoana anao.
2. Ny fanekena masina
Mamatotra azy izao
Tsy misy herin'olona
Mahafaka azy ireo.
3. Jereo, ry havan-tiana,
Josefa sy Maria:
Nifankatia tokoa
Ka mba ianaro izy ireo
4. Mifandefera indrindra
ary mba mivavaha:
Ireo tsarovy tsara
Fa vato fehizoro
5. Ny tokantrano tsara
Ambini'i Jesoa
Omeny tombon-tsoa
Sy fiadanam-po
6. Arovy ny mpivady
Miankina aminao
Fa maro ny adidy
Hiantsorohany.