Nihorohoro sy nangina ny tany, aleloia,
Nony nitsangana hitsara Andriamanitra, aleloia.
(Sal. 74)
1 Namirapiratra Ianao re, ry Tompo,
Ka raiki-tahotra ireo fahavalo:
Lasan-ko babo daholo ireo mpanjaka tety an-tany.
2 Raha vao nanambana ianao, Andriamanitra,
Dia nitsatoka tsy nahahetsika
Ny soavaly ary koa ny kalesy nentina niady.
3 Ao Salema ny trano fonenany,
Ary ny lainy dia ao Siôna:
Nalaza tamin'ny foko rehetra ny Tompontsika.
4 Aoka ianareo, ry vahoaka rehetra,
Samy hitondra fanatitra mendrika,
Toy ny voady tsy maintsy efaina ho an'Andriamanitra.