Mba mihirà isika kristianina
Ny mpialoha ny Mpamonjintsika,
I Masindahy Joany Batista )
No hiraintsika sy deraintsika. ) (indroa)
1 Mifaninàna isika hanaraka ny nataony,
Aoka isika rehetra mba hazoto tokoa,
Hanao 'zay zakantsika, mba hitandrina tsara
Ny anatra nomeny antsika.
2 Ny fiaretanao ny fanenjehana mafy
Sy ny manjo rehetra: mampirisika anay
Handao ny zava-poana, mba hiombona anjara
Aminao any an-danitra any.
3 Mba lehibe tokoa ny voninahitra valin'
Ny nataony rehetra! Nahafoy ny aina
Tsy nitsahatra nandà ny fonao mifanohitra
Amin'ny fivavahan-to.
4 Ny fangatahanay ampio fifonana
Amin'ny Tompontsika! Aoka izahay rehetra
Mba hanaraka anao ka tsy ho diso anjara:
'Zany no angatahinay.