Nanjavona ireo olon-kendry tia fihavanana

Nampiditra: hery
Sokajy: Firenena,


  • Fihirana Hasina p. "627
  • Ankalazao ny Tompo p. "448

1. Nanjavona ireo olon-kendry tia fihavanana...
Manda aron'ny tanàna 
Nankaiza ireo mpandimby, toa samy tola
Vitsy no sahy hijoro hiaro ny tena marina
Tankina sy ritra va re ilay fitiavana
Narotsako tao am-pony?

Ray aho!
Na tsy andrin'ny hafa aza
Ny ora hiverenanao, ry oloko ô,
Izaho kosa miandry anao,
Matoky anao, mbola tia anao.
Ray aho, satria Andriamanitra aho!

2. Miripaka ny olo-marina; voavidy vola,
Vola hozatry ny fiainana.
Nankaiza ireo voaantso, toa samy babo
Vitsy no sahy mijoro hanova ny fahazaran-dratsy.
Tankina sy ritra va re ilay fahendrena
Narotsako tao am-pony?

3. Mitsipaka fitiavan-dray ny zaza mpandany
Dimby fanantenako.
Nankaiza ireo mpanoro, samy midongy,
Vitsy no sahy maniry ny hodiany, ny hiverenany.
Tankina sy ritra va re ilay indrafo
Narotsako tao am-pony?
 
 
 

 


Eugene Hery - Tel +39 338 744 2412 (Italie) - [0.0737 s.] - Hanohana anay