Hitsangana aho ka handeha hody

Hitsangana aho ka handeha hody e, handeha aho
Ka mba hody any amin'ny Ray. (Lk. 15, 18)

(Tobia 13, 1-10)
 
1 Isaorana ilay Andriamanitra velona mandrakizay
 Ilay mandrakizay ny fanjakany!
 
2 Fa mikapoka izy ka mamindra fo,
 Mampidina an-tseoly ka mampiakatra!
 
3 Ary tsy misy olona
 Izay afaka amin'ny Tànany!
 
4 Ankalazao izy, ry taranak'i Israely,
 Anatrehan'ny vahoaka nanelezany anareo!
 
5 Aharihario ny halehibiazany!
 Asandrato anoloan'ny miaina rehetra izy!
 
6 Fa izy no Tompo Andriamanitsika,
 Raintsika amin'ny taona rehetra,
 
7 Mikapoka antsika noho ny helotsika
 Kanefa mamindra fo indray,
 
8 Ka hanangona avy amin'ny firenen-drehetra
 Izay nampielezany antsika!
 
9 Raha miverina aminy amin'ny fanahy tontolo ianareo
 Sy manao ny marina eo imasony amin'ny fo tontolo.
 
10 Dia hiverina aminareo koa izy
 Sy tsy hanafin-tava aminareo intsony!
 
11 Jereo ny nataony anareo:
 Ka mankalazà azy amin'ny feo avo!
 
12 Isaory ny Tompon'ny fahamarinana!
 Hirao ny Mpanjaka mandrakizay!
 
13 Izaho mankalaza azy aty an-tany nambaboana ahy
 Maneho ny hery sy halehibiazany amin'ity firene-mpanota.
 
14 Miverena, ry mpanota, manaova ny marina eo anoloany
 Sao mba ho sitrany ianareo ka hamindrany fo!
 
15 Mihira an'Andriamanitra Mpanjakan'ny lanitra aho!
 Miravo amin'ny halehibiazany ny fanahiko!