Henoy ny antsonay anjely havanareo

1 Henoy ny antsonay,
 Anjely havanareo,
 Ry fianakaviana madio,
 Madio sy be herim-po.
 
Miakara, miakara, miakara
An-dapan'ny Rainareo:
Jesoa, Maria, Zôzefa
Ho ravo handray anareo.
 
2 'Lay fanekena madio
 Nataonareo fahiny
 Takaikin'ny ôtely
 Voatananareo tokoa.
 
3 Tsy hoe tsy misy ny mafy,
 Tsy hoe tsy misy ny diso;
 Kanefa nahay nifamela
 Nahay nifamela heloka.
 
4 Faly izahay Anjely
 Mahita ny dimbinareo
 Hameno ireo toerana maro
 Tsy azon'ny namanay.
 
5 Ataovy veloma ny tany
 Ny lanitra efa mivoha
 Handray anareo mianakavy
 Tongava, tongava daholo.