Fanahy Masina ô, midìna e

Nampiditra: Belle
Sokajy: Fanahy Masina,


  • Fihirana Vaovao p. "508
  • Fihirana Hasina p. "463
  • Vavaka sy Hira p. "771
  • Fihirana Dera p. "306

1 Fanahy Masina ô, midìna e,
 Fanahy Andriamanitra ô, tongava e.
 
Anjakao izahay, ry Fanahy Masina ô!
 
2 Nofo aman-dra ny olombelona e,
 Tadidinao e fa vovoka e.
 
3 I Kristy nitsangan-ko velona e,
 No nahazoanay anao e.
 
4 Ny Ray no nampanantena e:
 Ianao no hery omeny e.
 
5 Velominao ny Fiangonana e,
 Miroborobo eran-tany e.

6 Ampio 'zahay ho salama e,
 Herezo hiatrika adidy e.
 
7 Mba hampivoatra ny tany e,
 Ho toy ny any an-danitra e.
 
8 Mba hampanjaka ny Ray e,
 Hamory ny zanany maro e.
 
9 Hijoro ho vavolombelona e,
 Hinoan'ny olona ny Tompo e.
 
10 Mba ho fanasin'ny tany e.
 Fahazavana mamonjy e.
 
11 Fanahin'ny Ray ô, midìna e,
 Fanahin'ny Zanaka ô, tongava e.

 
 
 


Eugene Hery - Tel +39 338 744 2412 (Italie) - [0.0109 s.] - Hanohana anay