E, mangina tsy miteny ny tanàna

Nampiditra: Belle
Sokajy: Trinité Masina,


  • Fihirana Hasina p. "436
  • Ankalazao ny Tompo p. "430

1 E, mangina tsy miteny ny tanàna,      )
 Ary singana ny tenako vesaran'alahelo,) (indroa)
 Nefa injao misy feo mitsetra
 Toa miritsoka eo anilako!
 Moa va re ianao, ry Ray? (indroa)
      Hay, raha sina ka variana )
      Ireo manodidina ahy,       ) (indroa)
      Dia ianao tsy mahafoy      )
 No mivimbina hafaliana!
      Hay va re, hay va re ianao...)
      Hay va re, ianao, ry Ray!...  ) (indroa)
 
2 Eny, tokana aho anivon'ny vahoaka,         )
 Ary feno tebiteby, raiki-tahotra isan'andro,) (indroa)
 Nefa injao misy tànana
 Izay mitehin-tsoroka ahy!
 Moa va re ianao, Jesoa? (indroa)
      Hay, raha lasa ka nandao  )
      Izay nataoko mba ho toky,) (indroa)
      Dia ianao tokoa, Razoky,   )
 No hany sisa tsy manary!...
      Hay va re, hay va re ianao...)
      Hay va re, ianao Jesoa!...    ) (indroa)
 
3 Ao anatin'ny mangidy izany izaho,)
 Ahy irery manko izany tsy mahita   ) (indroa)
 An'iza an'iza,
 Nefa injao tsio-drivotra,
 Toa mamelombelona ahy!
 Moa va re ianao, Fanahy? (indroa)
      Hay, raha tojo onjam-piainana)
      Mandrendrika, mahory,           ) (indroa)
      Dia ianao no Fitiavana,           )
 Izay tonga mampitraka!
      Hay va re, hay va re ianao...)
      Hay va re, ianao Fanahy!...    ) (indroa)
 
Hay va re, Andriamanitra ô,)
Ray, Zanaka sy Fanahy!         ) (indroa)
 


Eugene Hery - Tel +39 338 744 2412 (Italie) - [0.0063 s.] - Hanohana anay