Toy ny kapoka maharary

Nampiditra: Belle


  • Vavaka sy Hira p. "410
  • Fihirana Hasina p. "282
  • Ankalazao ny Tompo p. "237

Toy ny kapoka maharary ny voina mihatra,
Nefa tian'Andriamanitra Ray hahamasina antsika. (Heb. 12, 10-11)

(Jer. 14, 17-21)
 
1 Aoka ny masoko tsy hitsahatra
 Hitomany andro aman'alina:
 Ny fireneko niharan-doza,
 Feno ratra tsy hay sitranina!
 
2 Mba nojereko ny tany lemaka:
 'Ndreo ny maro lavon'ny sabatra;
 Mba nidirako ny tanàna:
 'Ndreo ny ripaky ny hanoanana!
 
3 Ny mpaminany aza, ny mpisorona:
 Mikarenjy samy talanjona!
 I Jodà izany dia nafoy!
 I Siôna efa nahatofoka!
 
4 Tompo ô, nahoana no dia mikapoka,
 Ka mamela ratra tsy sitrana?
 Fiadanana no nantsoina,
 Kanjo inona ity no gohina!
 
5 Fanasitranana no nandrasana,
 Kanjo tojo izay tsy nampoizina;
 Na 'zahay na ny razanay,
 Fantatray e fa samy meloka!
 
6 Aza hamavoina 'lay voninahitra
 Ao Siôna tanàna masina;
 Ary ilay fanekena vita,
 Aza hadino na ivadihana.
 
7 Saotra no atolotra an'Andriamanitra:
 Nahafoy an'i Jesoa Zanany,
 'Lay nisedra ny rofintsika,
 Mahalala ny hasarobidiny.
 
8 Dera ho anao, ry Fanahy Masina,
 Mankahery amin'ny andro sarotra,
 Mampivelatra ny finoana
 Sy mitantana anay ho masina!


Eugene Hery - Tel +39 338 744 2412 (Italie) - [0.0804 s.] - Hanohana anay