Vatofototra roa ambin'ny folo

Nampiditra: Belle


  • Fihirana Vaovao p. "265
  • Fihirana Hasina p. "280
  • Vavaka sy Hira p. "400
  • Ankalazao ny Tompo p. "199
  • Fihirana Dera p. "251

Vatofototra roa ambin'ny folo
Dia ny Apôstôlin'ny Tompo ô,
No nanorenan'Andriamanitra
Ny mandan'ny tanàna,
Dia ny Apôstôlin'ny Tompo.  (Apok. 21, 14)

(Izaia 26, 1-10, 12)

1 Fa manan-tanàna mimanda isika,
 Dia manda roa sosona miaro antsika:
 Vohay vavahady ilay firenena
 Mitandro ny rariny lalandava.
 
2 Fa izy no miadana tsy manahy
 Noho izy mitoky aminao, ry Tompo:
 'Nareo matokia azy Tompo hatrany,
 Ny Tompo tsy miova toa vatolampy.
 
3 Aetriny ireo naka toerana avo,
 Arodany koa ny tanàna ambony
 Hitovy torosy amy vovotany,
 Ho fanosihosin'ireo mahantra.
 
4 Ny lalan'ny marina mandrirano,
 Ianao manko no efa mandravona azy.
 Ry Tompo mpitsara ô, tongava ianao:
 Izahay dia matoky ny anaranao.
 
5 Ny alina, manina anao ny foko,
 Maraina, mikatsaka anao ny saiko,
 Satria raha mitsara ny tany ianao,
 Handresy ny fahamarinanao.
 
6 Avela ve ny heloky ny olon-dratsy?
 Minia mankahala ny rariny izy?
 Na monina anilan'ny marina aza,
 Ny ratsy fanaony tsy miova akory.
 
7 Matoky 'zahay zanakao, ry Ray,
 Matoky 'zahay mandry fehizay,
 Satria Zanakao no nirahinao
 Hitondra fiadanana ho anay.
 
8 Dia izy no fototra fehizoro,
 Iorenan'ny manda sy ny tanàna;
 'Zahay vato velona tsy hikoro
 Satria efa atambatry ny Fanahy.
 


Eugene Hery - Tel +39 338 744 2412 (Italie) - [0.0071 s.] - Hanohana anay