VAVAKA FIFONANA sy FANETREN-TENA
Jesoa ô, mitambesatra ato amiko loatra ny vesatry ny fahotako. Reko Tompo ô fa manalavitra Anao aho, tsapako fa tsy ilay lalana nosoritanao ho ahy no diaviko hany ka menatra aho na dia ny hiatrika ny Tavanao aza. Ankehitriny anefa, indro aho manatona Anao indray , velariko eto anatrehanao ny fahotako ary Ifonako Aminao avokoa izany. Ary fenoy herin'ny Fanahy Masinao aho raha sitrakao, ampatsiahivo ahy ilay fitiavana voalohany nahatonga ahy hanaraka Anao Jesoa ô mba hahafahako mitoetra, manana finoana tsara orina, mba tsy hanotako Aminao intsony. Misaotra Jesoa ô, AMEN!!!
Miarahaba antsika rehetra ! Maniry aho ny mba ahitana ireny vavaka fanao andavanandro ireny ato, na amin'ny androïd.Misaotra mialoha |