“IZAHO NO LALANA SY FAHAMARINANA
ARY FIAINANA” Jo 14,6
TATITRA
AVY AMIN'NY FIVORIANA ISAN-KERIN-TAONAN’
NY FIVONDRONAM-BEN’NY EVEKA ETO MADAGASIKARA
Novambra 2008
Faly miarahaba antsika mianakavy, ato anatin'ny
taom-pahasoavana ankalazana ny
faha-2000 taona nahaterahan'i Md. Paoly izao.
Isaky ny volana Novambra ,
dia mivory ny Fivondronamben’ny Evekan’i Madagasikara . Fotoan-tsarobidy ho an’ny
Eveka izany satria ahafahany mitodika ny lasa
sy mijery miaraka ny hoavin’ny
Fiangonana .
Marina fa efa nisy ihany fotoana nihaonanay :ny 16
Desambra 2007, fanamasinana ho eveka an’i Mgr Rosario VELLA tany Ambanja ; ny 06 Jolay fanamasinana an’i Mgr Roger Victor
RAKOTONDRAJAO tany Mahajanga , izay
nifanojo tamin’ny tso-drano hoan’ireo Tanora solontenantsika hamonjy JMJ
tany Sydney ; ary teo
koa ny fivorian’ny Komity Maharitra
nifampizarana ny fomba hiainana ny
Rafi-panaovaozana ny Fampianarana naroson’ny Fanjakana.
Fihatahana masina teny Andralanitra /Akamasoa no
nanombohanay ity fihaonana farany ity . Mankasitraka manokana ny
Ankohonampiainan’i Mompera Pedro izahay. Fa hay mety ho tanteraka ny
fandrosoana rehefa samy tsara sitrapo
Fiofanana ara-pastoraly no nanohizana ny fihaonana : mahakasika ireo fivavahana tsy kristianina.
Tamin’ny fifampizarana isan-karazany (tatitry ny arsidiosez efatra ) no
nahatsapanay fa :
eo amin’ny lafiny Fiangonana
- miombona amin’ny
eran-tany ny Fiangonantsika : nandray
anjara tamin’ny Kongresy Eokaristika faha-49, tany Québec ; namonjy ny Sinaodan’ny Eveka , faha-12 , momba ny Tenin’Andriamanitra tany Roma . Ary manohy
ny fiombonana miara-mankalaza ny Taonjobily Md Paoly.
Teto an-toerana : ao ireo
diosezy nankalaza ny faha-50 taonany . Teo indrindra ny
Arsidiosezin’Antananarivo , nanao ny Sinody ka ny lohateny nohalalinina dia ny
Fanabeazana, ny Fampivoarana, Fanatontoloana . Rariana hitera-boka-tsoa
hoan’ny rehetra izany .
-Lafiny fiaraha-monina:
marary ny fiaraha-monina , mihamahantra ny fianakaviana, mihamahazo vahana ary
mitombo ny hala-jaza sy ny taola-paty sy taova mbamin’ny fanaranam-batana
ateraky ny fizahan-tany tsy voafehy. Tsy misy vaha olana mahomby ny doro tanety
sy ny ady amin’ny dahalo, na
an-tanan-dehibe na ambanivolo .
Izany indrindra no manosika
anay hanoratra Taratasy izay haompana
indrindra amin’ny Fianakaviana, satria ny fianakaviana no iantefan’ny
voka-dratsy sy mizaka ny tsy eran’ny aina rehetra. Dieny izao, dia mampirisika
ny tsirairay izahay hiara-miasa amin’ireo Vaomiera episkopaly ho fiarovana ny
aina ka hampanjariana ny EVA (Education à
Tsy hadinonay koa ny Tohin’ny Sinody momba ny Pretra nataontsika
taon-dasa, ary maro no miandrandra
ny taratasy fanentanana.
Ny amin’ny fanabeazana:
hamafisinay fa tokony hikendry ny hivoaran’ny olona manontolo sy ny soatoavina
miaraka aminy ny ezaka fikarohana sy fanatsarana ny rafitra ajoro . Izay
mirotoroto no mety ho latsaka an-kady.
Ka fanavaozana voasedra fa tsy andrakandrana no hitaizantsika ny fara aman-dimby.
Tohizina
ny soa fa i Jesoa Kristy ihany no Lalana
sy Fahamarinana ary Fiainana.
Tsy miolonolona ny
Fiangonana Katolika fa vonona hifanakalo hevitra sy hiara-miasa amin’ny ireo
ankolafin-kery mikendry ny soa iombonana. Maro ny asa efa sahaniny amin’ny
diosezy tsirairay avy. Fa tokony hiombona bebe kokoa eo amin’ny firenena
manontolo.
Hataontsika zokiny
amin’ireo ezaka ny firaisan-kina, ny fandavana fitiavan-tena tafahoatra sy ny
fanompoan-karena.
Meteza àry isika
hoentanin’ny Fanahy sy hiombona amin’ireo tanora hankalaza ny JMJ MADA any
Toliary : “Tanora katolika ankaherezin’ny Fanahy Masina, ka mampihavana sy
mampiombona ny olona rehetra ao amin’i Kristry”.
Tsy mifanalavitra amin’izany loha hevitra noraisin’ny tanora izany koa ny
Sinaodin’i Afrika izay hankalazaintsika: fihavanana, fahamarinana, fiadanana.
“Tano
mafy ny finoana noraisintsika (cf. 2 Tim
1,13)
Finoana sy
fanantenana ary fitiavana no entintsika
mankalaza ity taonan’ny Md Paoly ity. Ankinintsika amin’i Masina Maria
Mpanjakavavin’i Madagasikara ny ezaka iarahantsika manao .
Ary dia efa mirary soa sy fanambinana antsika rehetra ho tratry ny Noely sy ny Taom-baovao.
Ny Fivondronam-ben’ny Eveka eto Madagasikara