Tompo ô, reharehanay

Fiv :
Tompo ô, reharehanay
Ny hazofijaliana nahafatesanao ;
Tompo ô, reharehanay
Fa nahatonga anay ho zanak'Andriamanitra.


1 - Voalaza fa tao am-paradisa dia nisy izany hazon'aina,
Inoanay fa ny Lakroa no nahazoana ny tena aina.

2 - Voalaza fa i Adama sy Eva no nahavery ny hasambarana,
Inoanay fa ny Lakroa indray no namohana indray ny lanitra.

3 - Voalaza fa ny fialonana no namonoana an'ilay Abela,
Inoanay fa ny Lakroa no hampanjaka ny fihavanana.

4 - Voalaza fa tany Babela no nihahaka ny firenena,
Inoanay fa ny Lakroa no hampiray ny olombelona.

5 - Voalaza fa very hadiovana i Sodoma sy Gomora,
Inoanay fa ny Lakroa no hanamasina ny fitiavana.

6 - Voalaza fa ran-janak'ondry no niaro varavarana,
Inoanay fa ny Lakroa no nirotsahan'ny ra mpanavotra.

7 - Voalaza fa sarin-janak'omby no nivavahana ho andriamanitra
Inoanay fa ny Lakroa no hitivana an'Izy Ray.

8 - Voalaza fa sarim-bibilava dia nahasitrana tany an'efitra,
Inoanay fa ny Lakroa no hahazoana ny famonjena.

9 - Voalaza fa biby nompiana no natolotra ho solon-keloka,
Inoanay fa ny Lakroa no hanalana ny otanay.

10 - Voalaza fa eran'ny tany hisy sorona isan'andro
Inoanay fa ny Lakroa no nahazoana ny tena sorona.

11 - Voalaza fa tao an-tempoly dia nipoitra ny loharano
Inoanay fa ny Lakroa no niantso anao, ry Fanahy Masina.

Nampiditra pissoa
Sokajy Paka
Fihirana Dera p. 300
Fihirana Hasina p. 731
Fihirana Vaovao p. 106
Vavaka sy Hira p. 689
© Eugene Heriniaina - serasera.org 1999 - 2024 - page load 0.0092