THEOTOKOS Virjiny

(Jean Louis Tombolaza)

Ry Theotokos Virjiny, Renin’ny Fiangonanay,
Tano sy arovy izahay, mba ho tena Zanakao.

Ry “Theotokos” Reninay,
Mba iantrao maso re ‘zahay,
Hivelona ny maha-zanakao
Sy ho zanaky ny Fiangonanao.

Mba omeo herim-po ‘zahay,
Hizaka ny fahorianay
Ary mba hatoky ny Fonao
Sy ny hatsaram-panahinao.

Ianao no fanalahidy,
Miditra amy Jesoa sy Fiangonana.
Mba ahazoanay alalanao
Miaina amin’ny fanjakanao.

Ianao no Renin’ny Teny,
Namolavola Teny mba ho Nofo,
Nofo aman-drà mba ho Mofo,
Ao amin’ny Eokaristia.

Ianao no nanao ny Eny,
Raha nanaiky ny Tenin’ny Anjely,
Fa hanana anaka, Virjiny ho Reny,
Zanàho koa izahay, mba tsy ho very.