Tafitraotro ny tany sy ny lañitry e

Tafitraotro ny tany sy ny lañitry e !
Nampihavanin’i Jesoa Kristy :
Sambatra e e ià !

1. Nampihavanin’i Jesoa Kristy : (in-2)
   Sambatra e e ià !
   ‘Lay Jesoa Tompo, Zanaka-Zañahary.
   Sambatra e e ià !
   Mitovy saranga sy fomba amin’Andriamanitra !
   Sambatra e e ià !
   Nefa nietry, nilatsaka ho mpanompo
   Sambatra e e ià !
   Ka hita olombelona tamin’ny fisehoany.
   Sambatra e e ià !
2. Nampihavanin’i Jesoa Kristy; (in-2)
   Nanjary olombelona i Jesoa Zañahary,
   Zanak’i Maria, natsangan’i Josefa,
   Mba hatsangan’ny Ray, ny zanak’olombelona,
   Zañahary sy olombelona manjary mpianakavy.
3. Nampihavanin’i Jesoa Kristy, (in-2)
   Nanetry teña ilay Zanaka-Zañahary,
   Nañeky ho faty mba hañavotra antsika.
   Ka maty teo ambony Hazofijaliana,
   Fa Izy ilay mibaby ny fahotantsika.
4. Nampihavanin’i Jesoa Kristy, (in-2)
   Niseho ny fara-fitiavan’ny Tompontsika.
   Ka ny Ray namaly ny fitiavana azy,
   Tsy navelany ho lo, tao am-pasana,
   Natsangany ho ambony, ho tompom-pahefana.