Tsiofy rano

1 Misaotsa roa Andrianañahary e,
 Nañome anay an'ireo ray amin-dreny;
 'Reo e ro nañabe sy nañolokolo:
 Namindra aina eko naha-olo.
 
Tsiofy rano 'reo,
Tahionao ho soa ho tsara,
Ny diany tsinjovy,
Tsa ho totoitsa fa ho soa fiafara.
 
2 Ireo ro nampisotro rano tsa nahakofiña e,
 Namaham-bare eko tsa nahakenda;
 Niaritsa ny maharare taminay 'reo:
 Nifoha maraiña, tsa nahalala taraiña.
 
3 Nifofotsa tokoa 'reo ko nifankatea,
 Niezaka nifañasoa sy nifandefitsa;
 Izao e ro lova natolony ho anay e:
 Mba ho soa fototsa ny ho avy omañinay.
 
4 Vana maimaiña, i baba, efa añ'an-tamboho e,
 I neny amin'ny nahandro sy ny velom-po;
 Tsa nisy dikalaza fa vita soa izay e:
 Ny hahasoa anay ro niaretany mahamay.