Reny mazava fo, Maria

1 Reny mazava fo, Maria e,
 Raiso 'ty fehin-draozy ity;
 Ny fonay no manolotra azy
 Mba hankafizin'ny fonao
 Ny raozy etý mora malazo,
 Miondri-doha maty aina.
 Ny fitiavanay anao re,
 No raozy velona mandrakizay. (indroa)

2 Mandalo foana etý an-tany
 Ny laza sy ny haingo be,
 Ka levona izy toy ny rahona,
 Toy ny vovoka an-tany foana.
 Ny fanajanay anao, Reny,
 Tsy ho levona, tsy lasa foana.
 Ny fitiavanay anao re
 No raozy velona mandrakizay. (indroa)

3 Rahefa ho faty izahay e
 Halazo ny ainay endrey!
 Toy ny voninkazo voatapaka,
 Very endrika sy very aina.
 Ny fanahinay ampakaro
 Hidera anao an-danitra any.
 Ny fitiavanay anao re
 No raozy velona mandrakizay. (indroa)

Nampiditra Belle
Sokajy Masina Maria
Fihirana Dera p. 140
Fihirana Hasina p. 685
Fihirana Vaovao p. 421
Vavaka sy Hira p. 587
© Eugene Heriniaina - serasera.org 1999 - 2024 - page load 0.009