Na tsy mendrika aza re izay atolotray anao

Na tsy mendrika aza re izay atolotray anao,
Azafady, Tompo ô, mba ekeo raha sitrakao.
 
1 Ny andro anio sy ny andro hiainako rehetra
 Atolotro avokoa, ry Tompo ô.
 Ny tenako sy ny heriko manontolo
 Atolotro avokoa, ry Tompo ô.
 
2 Ny vatako izay misahirana isan'andro
 Atolotro anao tokoa, ry Tompo ô.
 Ny fanahiko izay mitady mba hampanjaka anao
 Atolotro anao ihany koa, ry Tompo ô.
 
3 Ny hafaliana mameno ny fanahiko
 Atolotro avokoa, ry Tompo ô.
 Ny tebitebin-tsaina sy ny ahiahim-poko rehetra
 Atolotro avokoa, ry Tompo ô.