Henoy tsara, anaka

Nampiditra: Belle
Sokajy: Masina Maria,


  • Fihirana Vaovao p. "419
  • Fihirana Hasina p. "484
  • Vavaka sy Hira p. "590
  • Fihirana Dera p. "135

1 Henoy tsara, anaka, 'zao teny izao,
 Teny mahasoa, tenin-dReninao;
 Tsy mitezitra aho, fa mananatra:
 Tadidio tsara ny lazaiko.
 
Toky izao no omeko, ry Reny madio:
Hiadiako mafy hatramin'izao
Ny fomba tsy mety, ny fitiavan-tena;
Ampio àry aho, Maria Reniko.
 
2 Mamiko tokoa ny hadiovam-po:
 Ikezaho mafy mba hanananao;
 Antsoy isan'andro 'zaho Reninao,
 Aza miady irery fandrao resy.
 
3 Iriko mihitsy, irìko tokoa
 Ny handraisanao ny Eokaristia;
 Jesoa Kristy Tompo sasa-miandry anao,
 Nahoana ianao no tsy tia azy?
 
4 Mahereza tsara, hoy ny Reninao,
 Aza mety kivy, aza rera-po,
 Fa ny paradisa valin'ny natao
 Misy toeran-tsara ho anao.
 


Eugene Hery - Tel +39 338 744 2412 (Italie) - [0.0077 s.] - Hanohana anay