Eny, arahaba, ry Maria

Nampiditra: Belle
Sokajy: Masina Maria,


  • Fihirana Hasina p. "443
  • Fihirana Vaovao p. "513

Eny, arahaba; eny, arahaba, ry Maria,
Renin'ny Tompo ka Reninay,
Nosoavina anie ianao e!
Mpanjakavavy, mpanjakavavin'i Pangalana ô,
Mivavaha ho anay, nosoavina anie ianao e!
Ny mpianakavy, ny mpianakavy sy 'reo tanàna
Tsofy rano ka anjakao, nosoavina anie ianao e!
 
Ry Reninay ô, henoy 'zahay e!
Mpanjakanay ô, vonjeo 'zahay e!
 
1 Halaviro anay e ny rivo-doza         )
 Ka ho resinay anie                          ) (indroa)
 Ny onjam-piainana an-tany etoana. )
      Ry Reninay ô, henoy 'zahay e!
      Mpanjakanay ô, vonjeo 'zahay e!
 
2 Fa renirano no làlanay               )
 Ary lakan-kely anie                      ) (indroa)
 No fitaovana enti-mamelon-tena. )
      Ry Reninay ô...
 
3 Kristy Mpamonjy no mpanamory:      )
 'Zay miaraka aminy e                         ) (indroa)
 Hoentiny hitody any an-tanindrazana.)
      Ry Reninay ô...
 
4 Ny tanimbary, ny saha maro )
 Ho vavolombelona e              ) (indroa)
 Toy izany koa ny taranakay.  )
      Ry Reninay ô...
 
5 Ny mpanarato sy 'reo mpiandriaka )
 Ombao fitiavana e                          ) (indroa)
 Fa manohy ny asan'ny Apôstôly.      )
      Ry Reninay ô...
 
6 Raisinay anio ianao ho an-tranonay:)
 Indray andro any re                          ) (indroa)
 Mba raiso 'zahay ho an-dapanao.       )
      Ry Reninay ô... 
 


Eugene Hery - Tel +39 338 744 2412 (Italie) - [0.1029 s.] - Hanohana anay