He, sambatra aho, Jesoa
1 He, sambatra aho, Jesoa, raha miaraka aminao,
Fa ny lalanao dia lavi-pahoriana;
Ny ali-mampahory, ny raho-mitatao,
Eo anilanao dia mody fitahiana.
Tano aho, Jesoa, hiaraka aminao,
Ny lalana hombàko e mba hazavao.
2 'Zao no faniriako manetsika ny fo:
Ho sakaizanao mandrakizay doria;
N'inona mihatra, na inona manjò,
Ianao no antenaiko hitantana ny dia.
O! avia, Jesoa, tano aho e!
Tantanonao ny diako, Tompo, mamonje!
3 'Zay sakaizanao, Jesoa, no ampoky ny soa,
Feno haravoana sy lavitra manjò;
'Zay rehetra ilaina anananao tokoa,
Raha miaraka aminao, mionona ny fo.
Sambatra aho, Jesoa, tretrika tokoa,
Ravo ny fanahiko, toloranao ny soa.
4 Inona no mamiko mihoatra noho ianao,
Tompo manan-kery sy loharanon-tsoa?
'Zay zavatra ilaiko azoko aminao;
Koa onenanao ny foko, ho lapanao tokoa.
Manjakà, Jesoa, ato am-poko ianao!
'Zay fahotako e, ry Tompo, avelao!